Laurdag 30. august klokka 17
under Kulturhelga Halvglimt blir det internasjonalt litterært talkshow – hovudgjestene er Peter Munro frå USA/Alaska og Doris Kareva frå Estland. Samtalen med dei utanlandske gjestene skjer på engelsk.
PETER MUNRO (f.1957) voks opp ved den nordvestlege Stillehavskysten USA, for ein stor del i Sitka i Alaska. Landskapet og klimaet i Sitka liknar mykje på Noreg, med djupe fjordar og bratte fjell, lite folk og små byar – og sjølvsagt ein heilt del sitkagran saman med hemlokkfuru og gule sedertree.
I si yrkesaktive karriere – frå han var 18 til han vart 64 – dreiv Peter fiskeriforskning. Mellom 60 og 100 dagar i året var han på fiskarbåt, for det meste botntrålarar. Etter fullført utdanning som fiskerforskar var det først som 26-åring han fann ut at han eigentleg var poet:
Englane eg elskar
kranglar om torskeslo og uer-ryggar,
kjeklar om flyndreskallar, plukkar rein beina
Då var det for seint å bytte beite heilt –– fiskerikarriera var godt i gang. Men kvar dag stod han opp klokka halv fem for å få tid til å arbeide med dikta. Det er ei rutine han framleis held fast ved.
DORIS KAREVA (f 1958) er ein av Estlands mest folkekjære poetar. I tillegg til å skrive original poesi er ho omsetjar og redaktør for poesidelen av det litterære tidsskriftet Looming.
Doris var ein ivrig lesar som barn – særleg glad var ho i mytologi, der ho laga sitt eige system inspirert av både greske, romerske og norrøne myter. Sidan tidleg barndom har ho leitt etter dei mest presise orda for å utrykke det ho verkeleg føler og sansar. Diktinga hennar er ofte musikalsk og rik på klang og går djupt inn i dei store spørsmåla:
kva er vel eit menneske
skuggen av ein engel
eller eit lengselsrop etter samklang mellom sjeler?
Kareva har vore nominert til nobelprisen i litteratur og er stadig ein av Estlands viktigaste poetar. Dikta hennar er omsett til mange språk, nokre også til norsk.
*
Litteraturprogrammet rommar i tillegg kortare møter. Ted Granlund er på plass med poesibilen og fortel om det prosjektet.
Og meir litteratur blir det søndag:
Søndag klokka 11.00 blir det litteraturprogram for barn: då presenterer Veronika Kivsilla si barnebok «Adam si eiga øy» i spesiallaga norsk utgåve for høvet.
Søndag klokka 12.30 blir det mogleg å høyre fleire av poetane under open himmel – då blir det lyrisk program med Øyvind Rangøy med venner, der vi også kan vente oss dikt frå Peter og Doris saman med Endre Ruset, Veronika Kivisilla og Ted Granlund.
Arrangementa er ein del av Kulturhelga Havglimt:
https://www.facebook.com/events/1853775808821072
Litteraturprogrammet er arrangert av Rangøya internasjonale kultursenter i samarbeid med Norsk forfattersentrum.
